كل شويه يجيلى رساله من حد على الفيس بوك أو الميل من أصحابى أو أدمن جروب بعتلى لينك وكاتب تحته رساله أبكتنى ياريت تقراها .. أنا طبعا مش معترضه إنه شخص حساس وربنا أبداً أنا بس كل إعتراضى إنه ليه كده يا حبيبى ليه قاعد تتفرج على بلاوى الناس ومأسيها وتعيط وتنكد على نفسك وعلى اللى جابونا معاك ليييييييه
طب لو إنت سعيد أوى كده ومحتاج شويه كأبه أنا ذنبى إييييه مش فاهمه وبعدين ما إنت لو عايزنى أشوفها علشان أتعظ يعنى كنت بعتلى اللينك من غير الجمله المؤثره دى والله كنت هفتحها بدافع الفضول لكن قصه إنها عيطتك دى خلتنى مفتحتهاش عشان أنا مش ناقصه أنا واحده صحبه مرض أموت فى إيدك كده
وبعدين إفرض إنى فتحتها عشان أعرف سياتك بتعيط لييه .. تصدق متأثرتش برضه هو أنا مبحسش ولا إيه طب عندك قتل ؟؟ أدينى معيتطش عجبك كده تطلعنى شكلى وحش قدام نفسى كده لييييه بجد مش فهماك
إحيييييات أبوكوا إحيييييات أبوكوا اللى يعرف حد بيعمل الحوار ده يقولوا عيب كده يا حبيبى الناس مش ناقصه
وطبعا مش هينفع منتكلمش عن الرسايل بتاعت إبعتها ل 10 تكسب ثواب
وإبعتها ل 15 هتسمع خبر حلو
وإبعتها ل 20 تدخل السحب
ولو مبعتهاش ربنا هيولع فى جتتك بالجاز وإنت راجع من الحجاز وينزل على راسك لوح إزاز
أموووووت وأعرف الناس دى مصدقه الكلام ده والنبى ولا هما بيستعبطونا ولا حد بيديهم فلوس عشان يضيقونا مثلاً ما لو بتخدوا فلوس قولوا يا جدعان نروح كلنا وأى مصلحه تيجى من وراكوا فايده برضه ماهو يا كده يا ترحمونا بجد وروحوا شوفوا حاجه تعملوها غيرنا الله يلعن أبو الفضا اللى إنتوا فيه
ملحوظه
أنا بكنسل القصه دى كل مره متخفوش يا رجاله دى عيال سيس مبيحصلش حاجه كله تمام ولسه عايشه أهو ومستنيه يقع فى إيدى عيل تييت من اللى بيبعتوا الرسايل دى وأنا هخليه يترعب من بوتجاز بيتهم مش بس من الكمبيوتر
طب لو إنت سعيد أوى كده ومحتاج شويه كأبه أنا ذنبى إييييه مش فاهمه وبعدين ما إنت لو عايزنى أشوفها علشان أتعظ يعنى كنت بعتلى اللينك من غير الجمله المؤثره دى والله كنت هفتحها بدافع الفضول لكن قصه إنها عيطتك دى خلتنى مفتحتهاش عشان أنا مش ناقصه أنا واحده صحبه مرض أموت فى إيدك كده
وبعدين إفرض إنى فتحتها عشان أعرف سياتك بتعيط لييه .. تصدق متأثرتش برضه هو أنا مبحسش ولا إيه طب عندك قتل ؟؟ أدينى معيتطش عجبك كده تطلعنى شكلى وحش قدام نفسى كده لييييه بجد مش فهماك
إحيييييات أبوكوا إحيييييات أبوكوا اللى يعرف حد بيعمل الحوار ده يقولوا عيب كده يا حبيبى الناس مش ناقصه
وطبعا مش هينفع منتكلمش عن الرسايل بتاعت إبعتها ل 10 تكسب ثواب
وإبعتها ل 15 هتسمع خبر حلو
وإبعتها ل 20 تدخل السحب
ولو مبعتهاش ربنا هيولع فى جتتك بالجاز وإنت راجع من الحجاز وينزل على راسك لوح إزاز
أموووووت وأعرف الناس دى مصدقه الكلام ده والنبى ولا هما بيستعبطونا ولا حد بيديهم فلوس عشان يضيقونا مثلاً ما لو بتخدوا فلوس قولوا يا جدعان نروح كلنا وأى مصلحه تيجى من وراكوا فايده برضه ماهو يا كده يا ترحمونا بجد وروحوا شوفوا حاجه تعملوها غيرنا الله يلعن أبو الفضا اللى إنتوا فيه
ملحوظه
أنا بكنسل القصه دى كل مره متخفوش يا رجاله دى عيال سيس مبيحصلش حاجه كله تمام ولسه عايشه أهو ومستنيه يقع فى إيدى عيل تييت من اللى بيبعتوا الرسايل دى وأنا هخليه يترعب من بوتجاز بيتهم مش بس من الكمبيوتر
